الشرح الكامل (بالصور) لكيفيه عرض جزء من الفيلم قبل أن يكتمل تحميله
كاتب الموضوع
رسالة
MARIO LOVE المشرف العام
عدد الرسائل : 222 العمر : 35 المزاج : مستنى ردود تاريخ التسجيل : 25/08/2008
موضوع: الشرح الكامل (بالصور) لكيفيه عرض جزء من الفيلم قبل أن يكتمل تحميله الإثنين سبتمبر 01, 2008 12:10 am
السلام عليكم ورحمة الله وبركاته
الموضوع ببساطه يا جماعة إن أي واحد ممكن ييجي ينزل فيلم ، ممكن ما يلاقيش معاه سامبل مثلاً ، يبقى محتار هل الفيلم صورة حلوة ، طيب هل قصة حلوة ، وممكن يكون فيه سامبل ، بس يكون أقصر من اللازم بحيث ما تعرفش منه الفيلم وحش وللا حلو ، وتبقى محتار تكمل تحميل وللا لأ ، علشان كده أنا جايبلكم طريقة تريحك من كل ده ، وهي إنك تحمل جزء من الفيلم ، ربعه مثلاً أو خمسه أو سدسه ، أي جزء منه ، وتشوفه ، وعليه ، لو عجبك الفيلم ، هتكمل تحميل وأنت مقتنع بيه ، ما عجبكش هتكنسل التحميل على طول ، الشرح موضح في الصور ، يعني هتمشي بالظبط زي ماهو معمول في الصور
بسم الله الرحمن الرحيم
1- أول حاجه طبعاً هتحمل ملف التورنت اللي أنت عايزه من على أي موقع من مواقع التورنت ، وده على سبيل المثال ملف تورنت حجمه 22 جيجا عليه أحلى أفلام لفان دام وجيت لي وده جزء من الأفلام اللي فيه
2- بعد ما تحمل ملف التورنت ، هتفتحه ببرنامج التورنت اللي عندك وهيكون شكل الملفات اللي فيه كده
3- طبعاً في حالة تورنت زي ده، مستحيل حد هيحمل اللي فيه كله ، أنا عن نفسي هختار فيلم واحد فقط من الأفلام اللي فيه ، الأول هتدوس على الزر الموضح علشان تلغي التحديد قصاد كل الأفلام
4- بعد ما تلغي التحديد على الملفات كلها ، هتحدد بقا الملفات اللي أنت عايز تنزلها ، وطبعاً مش معقول هتمشي بالماوس على كل ملف من ملفات الفيلم اللي هما أكثر من خمسين ملف وتدوس كليك على كل واحد
5- في الخطوة دي كده هتكون أنت فعلاً اخترت الملفات اللي أنت عايز تنزلها بس لازم تتأكد إنك علمت على كل الملفات بتاعت الفيلم ، يعني أي ملف فيه إسم الفيلم لازم تكون علمت عليه
6- بعد ما تدوس أوك وتبدأ تحميل الفيلم ، هتختار الجزء اللي بيوضحلك حالة الملفات الجاري تحميلها زي الصورة كده ، وحيث برضه إن الملفات كثيرة جداً زي ما أنتم شايفين يبقى هتضطر تدور على ملفات الفيلم بتاعك اللي أنت بتحمله
7- بعض المواقع زي تورنت ليتش بيكون فيها الفيلم عباره عن حوالي 40 أو 50 ملف رار - للاسطوانة الواحده - مضغوط جواهم الفيلم ، أنت هتيجي على الملفات دي ، وهي طبعاً مترتبة لوحده ، وهتختار أول خمسة أو ستة مثلاً وتحددهم وتختار طبعاً الاختيار اللي في الصورة علشان تخلي البرنامج يحمللك الملفات دي الأول قبل أي حاجه
8- بعد ما تتأكد إن كل الملفات اللي انت اختارتها اتحملت كاملة وبقت 100% هتفتح الفولدر اللي الفيلم بيتحمل جواه بالطريقة الموضحة في الصورة
9- بعد ما تفتح الفولدر هتلاقي جواه الفايلات اللي اكتمل تحميلها ، هتقف على أول واحد بالماوس وهتدوس كليك يمين وتختار الاختيار الموضح ده
10- بعد ما تجيلك النافذة دي لازم تعلم على الاختيار ده ، وللعلم هو أهم حاجه في الموضوع ، لأنه هيفك الفيلم لحد آخر فايل كامل أنت محمله ، على عكس العادي مش هيفك الفيلم غير لما يكون كل الملفات موجوده
11- آخر حاجه إنك بعد ما تخليه يبدأ موضوع فك الضغط هيديلك رساله طبعاً إن باقي الفايلات مش موجوده أو مش كاملة ، هتدوس كانسل عادي خالص ، هتلاقي سايبلك الملف بتاع الفيلم ناقص على أد ما أنت فكيت من الملفات المضغوطه ، وهتشغل الجزء ده باستخدام برنامج vlc والبرنامج ده الوحيد اللي ممكن يشغل الملفات الفيديو الناقصة على ما أعتقد
كده أعتقد إن الشرح انتهى بحمد الله ، وآسف للإطالة
ولكن في بعض النقط المهمة اللي عايز ألفت نظركم ليها
1- الشرح ده هتستخدمه في حالة لما يكون الفيلم بينزل على هيئة ملفات مضغوطة وكثيرة زي ما بيحصل مع تورنت ليتش وغيره من المواقع .
2- في حالة لما يكون الفيلم بينزل فايل واحد بامتداد فيديو عادي جداً برضه بنفس الطريقة ، هتستنى لما يكون اتحمل منه جزء مناسب ، الخمس مثلاً ، وهتخش على الفولدر اللي الفيلم بيتحمل فيه ، وهتحاول تشغله باستخدام برنامج vlc player والبرنامج ده زي ماقلتلكم علشان يشغل ملفات الفيديو الناقصة .
3- في بعض الأفلام بيكون فيها الملفات متسمية بامتداد r00 لحد مثلاً r45 وبعد الملفات دي هتلاقي فايل امتداده rar فقط ، في الحالة دي لازم برضه تحمل الملف ده الأول علشان تعرف تفك جزء من الفيلم ، بمعنى إنك هتحمل الملفات من أول r00 حتى r08 مثلاً ، بالإضافة الى الملف بامتداد rar اللي ليه طبعاً نفس اسم الفيلم ، أو اللي بيكون في نفس الاسطوانة إذا كان الفيلم أكثر من اسطوانة.
4- البرنامج vlc player بيتعامل مع امتدادات الفيديو العادية ، في حالة ملفات الريال بلاير زي rm , rmvb هتستخدم برنامج k-lite mega codec pack لأنه هو اللي يصلح في الحالة دي ، لأن برنامج vlc مابيشغلش ملفات الريال بلاير.
5- كل ده في حالة التحميل بالتورنت إنما في حالة التحميل المباشر ، إذا كنت بتستخدم برنامج internet download manager هتروح المسار ده C:\Documents and Settings\****\Application Data\IDM\DwnlData\***X مع ملاحظة إن *** تعني اسم اليوزر الحالي في الويندوز إكس بي ، وفي المكان ده هتلاقي الملف اللي أنت بتحمله ، وتقدر تعمل معاه نفس الكلام بالظبط ، سواء كان ملف فيديو ، أو رار ، بالظبط زي الطريقة اللي فوق .
6- في بعض الأفلام بعد ما تنتهي من التحميل ، وتفك الضغط ، أول ما تخش الفولدر الخاص بالفيلم أو تحاول تشغله ، تلاقي الفولدر نفسه اتقفل ، والإكسبلورر برضه بيتقفل ، والبرنامج اللي كنت عايز تشغله بيه بيتقفل ، في الحالة دي أنت محتاج فقط برنامج k-lite mega codec pack ولو كنت مسطبه وحصلت نفس المشكلة ، فقط شيله ، وسطبه تاني ، وبإذن الله المشكلة هتروح .
ويارب أكون وفقت في الشرح ، وقدرت أفيدكم بمعلومة جديدة ، وأي استفسار أنا موجود وتحت أمركم
ودي البرامج اللي كانت موجوده في الموضوع علشان لو في واحد ما عندوش أحد البرامج يحملها من هنا :
موضوع: الشرح الكامل (بالصور) لكيفيه عرض جزء من الفيلم قبل أن يكتمل تحميله 
الإثنين سبتمبر 01, 2008 12:10 am
