مكالمه بين الحضري وحسن حمدى

مكالمه صااااروخيه .................!!!



طرفا المكالمه ..الكابتن حسن حمدى و عصام الحضرى.......



ترررررررررررررررررررررن..تررررن.....

حسن حمدى.......الو..الو

الحضرى.........سلاموا عليكم يا كابتن حسن..كل سنه وانت طيب ورمضان كريم

حسن حمدى.........وانت طيب يا سيدى...مين معايا.؟؟؟؟؟

الحضرى.......انت نسيت صوتى يا ريس!!!! انا عصام الحضرى....

حسن حمدى.........آه ..آة...عاوز ايه يا كابتن خير..؟؟؟؟؟؟

الحضرى........انا عاوز اعتذر لك يا كابتن على كل الى عملته الفترة الى فاتت....

حسن حمدى.............متفرقش يا حضرى عاااادى....

الحضرى ............لا عادى ايه يا ريس ده انا حسيت انى كنت ندل اوى .... سامحنى يا ريس انا كنت فاكر انى هحقق حلم حياتى واحترف فى اوروبا والفلوس تنزل زى المطر عليا...وصحافه واعلام بقا وتبقا عنب ... بس يا خسارة اخترت غلط...ومضيت مع فريق محدش بيشجعه غير اللاعيبه بتاعته بس......وكمان مش كلهم والله يا كابتن حسن..!!!!!

حسن حمدى.....!!!!!!!!!!!!!!!!!؟؟؟؟؟؟؟؟؟؟

الحضرى.......انا عارف ان قلبك كبير يا كابتن حسن ... معلش انا غلطان مش هعمل كدا تانى..........

حسن حمدى............ايوة يا كابتن يعنى انت عاوز ايه علشان انا مش فاضى....

الحضرى ..........معلش يا ريس اسمحلى بخمس دقايق بس من وقتك ..انا بردوا كنت واحد من رجالتك.....والله غفور رحيم

حسن حمدى.........طيب يا سيدى معاك بس ادخل فى الموضوع على طول الله يخليك انا عندى اجتماع كمان شويه وعاوز اجهز نفسى.....


الحضرى .....ربنا يقويك يا ريس ويخليك لمصر.... بص يا كابتن حسن انا طبعا مش هحكى واعيد وازيد فى حاجات كلنا عارفينها ......انا بس عاوز افكر حضرتك بالمجهود والعرق الى بذلته فى سبيل النادى الاهلى.. يمكن لما تفتكرة تغفر لى الى عملتوا......انا عايش عيشه مهببه يا كابتن من يوم ما سافرت.... ضحكوا عليا وفهمونى ان سيون نادى كبير فى سويسرا..وانه بوابه لانجلترا وفرنسا وايطاليا.... اتارى البوابه كانت مكسورة....والماتشات محدش بيشوفها غير الامن وعائلات اللاعيبه زمايلى... تصدق يا كابتن المحروق الى اسمه قسطنطين لما خلانى امضى ع الورق والعقد كان مفهمنى ان سيون بيلعب فى دورى ابطال اوروبا..وانه كمان كام شهر هيجيب لى عقد فى انجلترا.. ضحك عليا يا كابتن حسن وانت عارف ابنك قلبه طيب وبيجرى ورا الفلوس........... اقصد الاحتراف من زمان....بس كانت شورة سوده.. طلع سيون لا بيشارك فى دورى ابطال اوروبا ولا حتى شارك طول عمرة .... تصدق يا كابتن حسن اكتشفت ان سيون اكبر انجاز فى تاريخه انه حصل على دورة رمضانيه اقيمت فى تركيا سنه 1949 وبمساعدة الحكم كمان..!!!!!!!ربنا يكرمك يا كابتن حسن متبقاش انت والزمن عليا.... ده انا كل ماتش ضهرى بيوجعنى من كتر الوقوع على الارض... متقولش ان الملعب اتسخط وبقا منطقه الجزاء بتاعتنا بس.....حاجه تقرف والله يا كابتن حسن......

حسن حمدى...........يعنى انا دخلى ايه فى الكلام ده دلوقتى يا عصام..؟؟؟؟؟؟


الحضرى...ماانا جاى لحضرتك فى الكلام اهوة يا كابتن... انا عاوز افهمك انى كان مضحوك عليا واستغلوا سذاجتى وطيبه قلبى ..وحاولوا يستغلونى ويخلونى اقطع فى النادى الى عملنى بنى ادم...... انا عمرى ما هنسى فضل الاهلى عليا يا كابتن حسن..... ده انتوا الى خليتوا الناس تعرفنى بعد ما كان ابويا لما يشوفنى يفكر انا اسمى ايه..!!!!!!!

حسن حمدى.........طيب الحمد لله انك عارف الكلام ده يا عصام..!!!!!

الحضرى ...........ولا عمرى اقدر انسى يا كابتن... ده انا كل يوم بالليل اقعد مع المدام افتكر ايامنا الحلوة فى الاهلى.... وارقص يا حضرى...وليالى يا ليالى الحضرى السد العالى..... ونقعد نعيط انا والوليه لغايه ما صوتنا يصحى الجيران ودموعنا تغرق الارض.... تصدق بأيه يا كابتن حسن .... مرة من كتر عياطنا انا وام والعيال,,وصوتنا العالى الجيران طلبوا
لنا البوليس.. كانوا فاكرنا مربيين فراخ فى البيت..!!!!!!

حسن حمدى.................فرااااااااااااخ..!!!


الحضرى.........اة والله يا كابتن اصلنا سخنا فى العياط اوى بعيد عنك والظابط مصدقش غير لما فتش الشقه .... الناس هنا غريبه اوى يا كابتن حسن..وابنك تعبان اوى فى الغربه وطمعان فى كرمك ..... قولت ايه يا ريس..؟؟؟؟؟

حسن حمدى...........فى ايه يا حضرى ..أنت عاوز ترجع الاهلى تااااااانى .... قول بصراحه انا قريت تصريحات ليك فى الجرايد انك ندمان وعاوز ترجع الاهلى تانى...؟؟؟؟؟؟؟؟؟؟

عصام الحضرى............كابتن حسن انا طالبك مخصوص علشان اقولك حاجه مهمه جداااا.... حاجه مش مخليانى انام بقالى اكتر من شهرين..واستخرت ربنا وقررت انى اقولها لك دلوقتى يا كابتن ...وكلمتك دلوقتى علشان كدا مخصوص......تسمحلى....؟؟؟؟


حسن حمدى..........قول يا حضرى..انا والله لا فاهم حاجه ولا فاضى للكلام الكتير ده ...يله بس اختصر...

الحضرى.....كابتن حسن انا عاوز اقولك............... اقولك.....معلش اصلى متلجلج شويه ومكسوف اقولها...........

حسن حمدى...............يا عم خلص انا بقولك عندى اجتماع ومش فااااااااضى..

الحضرى ..............بصراحه كدا يا كابتن حسن..,من غير لف ولا دوران....... انا عاااااااااااااااااااااوز اقولك................قبل ما اسافر كنت مسلف عم محمد بتاع اوضه اللبس عشرة جنيه وكلمته عليها كتير ومش عاوز يرجعها...وبعد المشاكل الى بينى وبين شادى محمد ملقتش حد يتوسط لى ويجيب لى العشرة جنيه غيرك انت يا ريس...........!!!!!!!!!

حسن حمدى........ترررررررررررررررررررررراخ (قفل السكه يعنى...)