أنواع طبيخ حرام في رمضاااااان, اللهم اني صاااااائم

مدحت شلبي يعلن في برنامج محطة مصر :

علي مسئوليتي واللي بقوله عمره ما طلع غلط
وهو اللي هيمشي ، مفيش نادي أيا ما كان سيجرؤ
من هنا ورايح يمنع اذاعة أي مباراة ، وكاميرات الفضائيات
هتدخل من باب مخصوص تحت اشراف أمني بعيدا عن النادي المنظم .

أما عن كلام الأهلي عن الكباب والكفتة فده عيب .. لأن أعضاء الجمعية
العمومية دول أهل الاتحاد وناسه ( ده تعبير شلبي ) وجايين من سفر
ولازم نضايفهم كويس .. لأنهم ضيوفنا !!!!
التعليق :
دي بقي طبخة ريحتها وحشة أوي يا شلبي وكل شيء وارد
لأنك في مصر ، ومش معني ان الحق له صاحب يبقي أكيد صاحبه
ياخده .. لا .. ده في ملايين من حيتان مصر ممكن تلهف الحق من أصحابه .
أما حكاية أعضاء جمعية الكباب والكفتة .. وانكم لازم تكرموهم عشان دول ضيوفكم ،
وماله .. بس الضيافة علي حساب مين ؟؟ اللي يضايف حد .. يضايف من جيبه ..
وللا علي ايه ماهو جيب الاتحاد وجيبكم واحد .. واللهم اني صاااائم .

ياسر عبد العزيز يكتب في الأخبار :

مفاجأة غير سارة للأهلي في قضية البث الفضائي ، حيث أعد
سامح فهمي وزير البترول مذكرة بناء علي تكليف أحمد نظيف
بخصوص مشكلة البث بين الأهلي واتحادي الكرة والاذاعة والتليفزيون
تعطي الحق لاتحاد الكرة في التسويق الفضائي وليس للأندية .

التعليق :
برضه طبخة ريحتها وحشة .. لأن أندية الشركات البترولية
طرف مستفيد من تسويق الاتحاد لأنها بتلهف نتاج التسويق علي حساب الأهلي
والزمالك .. ولو الأندية البترولية الغنية أنشأت فضائيات مش هتلاقي
حد يعلن عندها لعدم شعبيتها ، يبقي سامح فهمي بتاع الغاز
مش طرف محايد . واللهم اني صااااائم .

المجلس القومي للرياضة يقر بصحة الجمعية العمومية لاتحاد الكرة :

أرسل المجلس القومي خطاب للأهلي بهذا المعني ، والغريب
أنه ختم خطابه بفقرة معناها .. اشمعني روحتو الجمعية بتاعة اتحاد
اليد واحنا قلنا انها باطلة ؟؟ طب احنا بقي هنقول علي الباطلة صحيحة !!

التعليق :
أظن مفيش طبيخ حامض زي ده .. فهذا المجلس القومي للرياضة
خسر كل قضاياه القانونية .. وتحدي القضاء في تعيين مجلس الزمالك ..
وسبب وكستنا في بكين .. والقائمين عليه لم ينجحوا في حياتهم الرياضية
ولو مرة .. فماذا كان ينتظر منهم الأهلي ؟؟

وفي النهاية لماذا لا يرفع الأهلي دعوي أمام القضاء الاداري
لبطلان جمعية الكباب والكفتة وشيكات صدقة رمضان ؟؟

مش قولت لكم ...
أظن كل ده طبيخ حراااااام في رمضان .. اللهم اني صااااائم



شارك ولو بابتسامة

شارك برد او موضوع
اثبت وجودك لا تقرأ وترحل